1992az geroztik hainbat erreferentzia ditugu "zirkulazioa lasaitzen" egindako aplikazioei dagokienez, eta bideetako istripu-tasa murrizten arrakasta handia izan dute. Hain zuzen ere, neurri mota horiei buruzko ikastaro bat ematera gonbidatu gintuzten Portu, Ubide eta Bideetako Ingeniarien Elkargoaren Bilboko egoitzan

Beste behin ere, Getxo aipatu behar dugu, goratutako pasabideen, bide-estutzeetan eta goratutako bidegurutzeen aplikazioan aitzindari izan baita, oinezkoaren eta inguruneko zirkulazioaren arteko bizikidetzako eremuak sortuta.

Gure esperientziaren arabera, ez dira neurri isolatuak, kasu oso berezietan izan ezik (esaterako, lehen hezkuntzako eta bigarren hezkuntzako ikastetxeen inguruak babestea). Ardatz oso batean nolabaiteko koherentziarekin egindako neurri sorta dira eta horrek askotan berekin dakar zirkulazioa berrantolatzeko jarduketa orokorrak egitea. Bestalde, dakarten segurtasun-hobekuntzarekin batera, oinezkoen eta gidarien arteko harreman atseginagoa sortzen ere laguntzen dute; izan ere, gidariak beste une batzuetan oinezko ere izaten dira.

Hainbat jarduketa multzorekin izan gara eremu honetan lider. Jarduketa horietan sartzen dira mini-errotondak eta semaforoak koordinatzeko eskemak diseinatzea zirkulazio-abiadura murrizteko eta hiri-semaforoetan itxaron-denbora eta gurutzatzeko denbora kontrolatzen duten kontagailuak sartzea.

ITZULI