Artxandako Tunelerako egin genuen sarreren estimazio-txostena nabarmentzea gustatzen zaigu. Dragados y Construcciones enpresak eskatuta idatzi genuen, emakida-eskaintza bultzatzeko. Komeni da aipatzea emakida hori orain gutxi Bizkaiko Foru Aldundiak erreskatatu duela, emakidadun enpresak uko egin baitio errentagarritasun baxua zuela-eta.

Baina aipatu behar dugu eguneroko zirkulaziorako eta aukeratutako tarifa mailarako egin genituen estimazioek errealitatearekin guztiz bat egin zutela. Hain zuzen ere, lehiaketara aurkeztutako enpresek erabilitako estimazioak benetan gertatutakoaren bikoitzak izan ziren sarrerei dagokienez, eta beraz, gure bezeroaren eskaintza ez zen oso handia izan.

Komeni da argitzea AP8 zatien gertuko esperientziarekin kalibratutako logit modeloa erabili genuela une hartan, eta horregatik izan genuela arrakasta

Ortain gutxi BIDEGIrentzat azterketa bat amaitu dugu AP8 eta AP1en Gipuzkoako zatiaren inguruan, eta bertan, logit motako esleipen-eskema bat garatu dugu erabiltzaile mota ugarirekin, honela banatuta: bidaiaren arrazoia, erabilera-maiztasuna, bizilekua eta deskontua izateko aukera. Estimazio horiek inaugurazioaren ostean ikusitako errealitatearen % 95ean sartu dira, egungo krisi ekonomikoaren efektuak eragina izan arren.

Epe ertain eta luzerako estimazioak Scenario Planning bidez egin ziren, ziurgabetasun garrantzitsu batzuk aztertzeko asmoz, esaterako, zahartzearen eragina, bilakaera ekonomikoa, gasolinaren prezioa eta Klima Aldaketarekiko Europako politikak.

ITZULI