Garraio-politikak Bizitegi edo Ekonomia Jardueraren Kokapen Politikan eragiten du eta horren eragina jasotzen du, horregatik, elkarrekintza hori aitortu beharra dago hasieran bultzatu zituzten ikuspegiei erantzuten ez dieten eta azken emaitzak dituzten asmo oneko proiektuak saihesteko. Hain zuzen ere, ohikoak dira garapen zehatzak planteatzen dituzten prozesuak eta, ondoren, irisgarritasun-sistema definitzeko ahalegina egiten dutenak, zenbait kasutan garraio publikoko sistema ona eskatuta, planteatutako dentsitateak baxuak izan arren, bizitegiari nahiz enpleguari dagokionez.
Bestalde, Garraioak eta Lurzoruaren Erabilerak, era berean, garapen ekonomikoaren, hiri- eta ingurumen-kalitatearen eta garraio-politikako beste alderdi batzuen (horiek ere kritikoak direnak) eragina biltzen dute, hala nola aparkaleku-politika eta garraio publikoaren kalitatea eta irisgarritasuna.
Horregatik da beharrezkoa eszenatoki berri guztien ondorioz sortzen den garraio-fluxuen eskaeraren azterketan aurreko interakzio-dinamika aztertzea, sistema konplexuen bidez. Horiek eskaera-ereduek deskribatzen dituzten oreka-puntuen arteko bidea erakusten dute, zenbait kasutan etorkizuneko eszenatokiak beste zehar-jarduera batzuengatik hipotekatuta nola gera daitekeen azalduta (aparkaleku-politika, esaterako)
Hortaz, erreferentzia egin nahi genieke gure jakinduria eta esperientzia profesionala osatzen duten hainbat adibideri:
 
Grafiko hauek Txorierriko korridorea abian jartzeak enplegu berrien txertaketa mailan izandako inpaktu handia erakusten dute
- Aparkalekuaren izoztea Bostongo hirigunean
E.P.A. Ipar Amerikako ingurumeneko agentzia federalak "smog" mehatxuari aurre nola egin azaltzeko hautagai bikaintzat identifikatu zuen Bostongo hiria 70eko hamarkadaren hasieran. Garraio publikoaren erabilera bultzatu nahi zuen proposatutako politikaren oinarria hiriguneko aparkaleku-hornidura izoztea izan zen. Proposamen horrek erresistentzia handia eragin zuen, pentsatzekoa zen bezala, eta hiriko garapen ekonomikorako heriotza-epaia izatea zen argudio nagusia.
Profesional talde nabarmena zuen (esate baterako, Frederick P. Salvucci, Big Dig proiektuaren aitatzat ezaguna) Kevin White alkatearen taldeak erronka onartu zuen eta neurri iraultzailea gainditzea lortu zuen.
Charles ibaitik ateratako bi argazki panoramikoak txertatzearen arrazoia "jarduera hori garatu arren" Bostongo sklylinearen garapen ekonomiko handia bistaratzea baino ez da. Hain zuzen ere, Bostongo finantza-zentroko enplegu-dentsitatea Bostongo metroaren (the T) gaitasunari esker gauzatu zen, era berean, baita Londresko hiria ere, bertako "Tube"aren gaitasunari esker
 
Abandoibarrako garapena oso gaitasun gutxiko bide-sarean oinarritzen da eta EuskoTran zerbitzuarekin konpentsatzen da, Estrasburgoko esperientzia arrakastatsuan oinarritutako diseinuarekin eta Bilboko zabalguneko oinezkoen irisgarritasunarekin.
Egungo errealitatea postulatzea ahalbidetzen zuten 1995. urte inguruan garatutako eskaera bidezko azterketak ez ziren erraz onartu garai hartan. Hain zuzen ere, etorkizuneko Iberdrola dorrearen hornidurari –egun errealitatea denari– muga ugari jarri zitzaizkion, lortu nahi zen banaketa modalaren berme gisa.
- Parke teknologikoen mugikortasunaren gaineko inpaktua hiri inguruko eremuetan
Parke teknologikoek lortutako arrakasta ukaezina bada ere, ezin ezkuta daiteke automobil partikularra erabiltzea eskatzen dutela, jatorri-helmuga pare bakan batzuetan salbu eta horrek urtean garraio-kostu handiagoa ekartzen du, hiru hiriburuetan kokatutako enpleguarekin alderatuta. Ez da harritzekoa Hiri Parke Teknologiko terminoa sortu izana; definizio horretan garraio publiko bidezko irisgarritasun egokia jasotzen da hiri-izaerari esker, hain zuzen.
ITZULI |
